Me golin që realizoi me penallti që zhbllokoi shifrat në sfidën ndaj Union Berlin, Robert Lewandowski arriti kuotën e 40 golave sezonalë në të gjithë kompeticionet, një rekord absolut ky pasi për Levën ky është sezoni i 5-të radhazi që e arrin këtë shifër të lartë finalizimesh.
Tashmë Lewandowski do të kërkojë të thyejë një tjetër rekord të tijin, të kalojë numrin e 43 golave në sezon që është edhe shifra më e lartë që ka arritur të shënojë ndonjëherë dhe e ka bërë këtë pikërisht në sezonin 2016-2017.
Gjasat që Leva të thyejë këtë rekord janë të mëdha pasi ka edhe 8 ndeshje për të luajtur në Bundesliga plus 2 sfida në Kupën e Gjermanisë dhe ndeshjet e Championsit. Gjatë gjithë këtyre viteve polaku ka patur një rrugë konstante në shënimin e golave, ka realizuar 41 në 2016-ën, 42 në 2018-ën dhe 40 gola në 2019-ën.
