Privatizimi i Albpetrol, Dervishaj: Procesi transparent
Zv.ministri i METE-s, Sokol Dervishaj, njëkohësisht kryetar i Komisionit të Vlerësimit të Ofertave në një pronocim për shtyp bëri me dije të hënën se procesi i privatizimit të Albpetrolit ishte transparent dhe për këtë nuk duhet që të ketë spekulime.

“Sa i përket privatizimit të Albpetrolit ju kërkoj durimin e nevojshëm për atë që po bën komisioni dhe të mos spekulohet. Gara ishte e ndershme dhe komisioni ka për detyrë të ndjekë rregullat dhe procedurat. Komisioni do të njoftojë për gjetjet në këtë proces. Çdo vendim do të jetë transparent por në momentin e duhur” tha Dervishaj.

Konsorciumi "Vetro Silk Road Equity ", i surprizoi ndoshta edhe më optimistët me ofertën e dhënë (850 mln euro) për blerjen e "Albpetrol". Nga të dhënat e publikuara prej saj në sajtin zyrtar, kompania duket se nuk ka asnjë lidhje naftën apo gazin. Kompania "Silk Road Equity LLC" me seli në Çikago të SHBA-ve, e themeluar në vitin 2003, deklaron se ushtron aktivitet prej më shumë se 20 vitesh në fusha si ndërmjetësimet financiare. /albeu.com/
Shtuar më 10/09/2012, ora 17:27

Shkruani komentin tuaj!
Të fundit nga kjo kategori