Presion për votat, PD padit në prokurori drejtorin e ISHSH-së
Partia Demokratike e Elbasanit ka paditur në prokurorinë e Elbasanit drejtorin e ISHSH-së Elbasan, Blendi Musai.

Sipas PD formulari i mbledhjes së votave u shpërnda nga Musai tek punonjësit.

Deklarata e PD-së:

Ky është formulari i mbledhjes së votave për Partinë Socialiste i shpërndarë nga Drejtori i Inspektoratit Shtetëror Shëndetësor Elbansan Blendi Musai, tek punonjësit nën varësinë e tij. Ky është krim dhe abuzim i rëndë me detyrën.

Partia Demokratike Elbasan dënon këtë akt kriminal të Blendi Musait dhe e garanton se do të përballet me forcën e ligjit, pa asnjë hezitim.

Gjatë ditës së sotme kemi përcjell të dhënat e plota për kallëzimin e tij në prokurori për kryerjen e veprës penale të parashikuar në nenin 328/a “Përdorimi i funksionit publik për veprimtari politike ose zgjedhore” të Kodit Penal.

Partia Demokratik Elbasan garanton të gjithë punonjësit e administratës publike që nuk angazhohen në veprimtari politike dhe nuk bien pre e presionit të paligjshem, se asnjë akt shantazhi apo largimi nga puna për qëllime elektorale nuk do të njihet nga Qeveria e re e Partisë Demokratike e dalë pas zgjedhjeve të 25 Prillit 2021.
Shtuar më 14/09/2020, ora 14:24

Shkruani komentin tuaj!
Të fundit nga kjo kategori