Presidenti Nishani dekreton emërime gjyqtarësh
Bujar Nishani
Presidenti i Republikës, Bujar Nishani Nishani dekreton emërimin e disa gjyqtarëve në disa nga gjykatat e vendit.
Në mbështetje të Kushtetutës dhe me propozim të Këshillit të Lartë të Drejtësisë, Kreu i shtetit dekretoi emërimin e Petrit Aliajt, të Nazmi Trokës dhe të Margarita Buhalit gjyqtarë në Gjykatën e Apelit, Vlorë.

Presidenti dekretoi gjithashtu dhe emërimin e Desart Avdulaj dhe të Arjan Balliut, gjyqtarë në Gjykatën e Apelit Durrës; si dhe emërimin e Ken Dhimës dhe të Astrit Shemes, gjyqtarë në Gjykatën Administrative të Shkallës së Parë Vlorë, ndërsa Skënder Damini, emërohet gjyqtar në Gjykatën e Apelit Vlorë. Po ashtu Kreu i shtetit dekretoi emërimin e Ramiz Lalës, gjyqtar në Gjykatën Administrative të Shkallës së Parë Gjirokastër.

Me dekrete të veçanta z. Nishani dekretoi dhe caktimin e përkohshëm të kandidatëve për magjistratë për të kryer stazhin profesional.
Në mbështetje të Kushtetutës dhe ligjit "Për Shkollën e Magjistraturës", dhe me propozim të Këshillit të Lartë të Drejtësisë, Presidenti dekretoi kandidatët për magjistratë: Nurjeta Tafa, Enkeleda Kapedani, Ejona Lazellari, Elsa Ulliri, Aurel Arapi, Flojera Davidhi, Genti Dokollari, Sokol Pina dhe Arben Dosti, për të kryer stazhin profesional si gjyqtare në Gjykatën e Rrethit Gjyqësor Tiranë.
Shtuar më 26/10/2013, ora 14:51

Shkruani komentin tuaj!
Të fundit nga kjo kategori