Prenga mbetet në burg
Në një seancë të mbajtur sot me praninë edhe të Armando Prengës, trupa gjykuese e kryesuar nga Mirela Fana, vendosi të mos ndryshojë masën e sigurisë "arrest me burg", duke e lënë në burg deputetin e përjashtuar nga grupi parlamentar i PS-së.

Kjo seancë u zhvillua pasi avokati kishte kërkuar më herët revokimin e masës së arrestit, por me provat e reja, se gëzhojat e gjetura në vendngjarje janë të pistoletës pa leje të Prengës, mbrojtja e tij u tërhoq nga kërkesa për liri.

Në këto kushte, Gjykata la në fuqi "arrestin me burg". Me këtë masë, deputetit Armando Prenga do t'i duhet të qëndrojë në paraburgim të paktën deri në përfundim të hetimeve. /albeu.com/

Shtuar më 05/11/2015, ora 10:16

Shkruani komentin tuaj!
Të fundit nga kjo kategori