Prenë drutë në kundërshtim me ligjin, nis procedimi penal për dy shtetas
Ndaj dy shtetasve të cilët janë kapur duke prerë dru në kundërshtim me ligjin, tashmë ka nisur procedimi penal në gjëndje të lirë.

Mësohet se nga ana e Seksionit për Krimet ka filluar proçedimi penal në gjendje të lirë ndaj shtetasve T.M, 32 vjeç, banues në Berat dhe S.P, 62 vjeç, banues në Berat.

Proçedimi penal ndaj këtyre shtetasve filloi pasi ata janë kapur duke prerë dru, në kundërshtim me ligjin. Në cilësinë e provës materiale u sekuestrua një motorrsharr e përdorur për prerjen e druve.

Materialet i kalojnë Prokurorisë së Rrethit Gjyqësor Berat, për veprën penale “Prerja e paligjshme e pyjeve” e kryer në bashkëpunim. /albeu.com/

Shtuar më 17/11/2015, ora 10:40

Shkruani komentin tuaj!
Të fundit nga kjo kategori