COVID-19 ka marrë përmasa alarmante në vend. Gati 700 raste të reja e 6 viktima vetëm në 24 orët e fundit.

Burimet bëjnë me dije se një tjetër shkollë 9-vjeçare në Gjirokastër është mbyllur për shkak të rasteve me koronavirus.

Bëhet fjalë për shkollën “Urani Rumbo” në lagjen “Palorto”, në të cilën rezultojnë të infektuara shtatë mësuese me COVID-19.

Kujtojmë se kjo është shkolla e dytë që mbyllet në këtë qytet, pasi më herët u pezullua mësimi në 9-vjeçaren ‘Koto Hoxhi’.

Aktualisht në këtë shkollë vijon mësimi për ciklin e ulët, edhe pse DPSH ka dhënë urdhër që të pezullohet i gjithë procesi.