Predha, granata e fishekë në digën e Rezervuarit të Divjakës
Update- Punimet për rikonstruksionin e digës së rezervuaritDivjakës, kanë rezultuar edhe me gjetjen e një sasie municionesh luftarake, si predha, granata e fishekë. Për këtë arsye, Bordi i Kullimit në Fier, ka urdhëruar ndërprerjen e pnimeve nga firma kontraktore, si dhe ka njoftar në mënyrë urgjente Drejtorinë e Policisë Fier, Ministrinë e Mbrojtjes dhe Ministrinë e Bujqësisë, Zhvillimit Rural dhe Administrimit të Ujrave.

“Nga informacioni i marrë zyrtarisht, sot më 14.10.2016, nga firma zbatuese e punimeve BE-IS shpk, e cila ka lidhur kontratën e sipërmarrjes së punimeve për Rikonstruksionin e Objektit të RezervuaritDivjakës, rezulton se gjatë zbatimit te punimeve në fazën e zbrazjes së rezervuarit, janë verejtur municione luftarake si granata dhe fishekë.

Në rrugë telefonike kemi orientuar firmën zbatuese që të bëjë pezullimin e punimeve, deri në një moment konfirmimi dhe zgjidhje të situatës.

Në mënyrë që të mos vihet në rrezik jeta e punëtorëve në objekt, e njerezve të zonës përreth, kërkojmë ndihmën e specilisteve që janë në varesine e dikasterit tuaj, për vlerësimin e risqeve potenciale që ndodhen në këtë zonë, si dhe konfirmimin tuaj per rifillimin e punimeve në këtë objekt”, thuhet në shkresën dërguar sot Drejtorisë së Policisë Fier, Ministres së Mbrojtjes Kodheli dhe Ministrit të Bujqësisë, Edmond Panariti. /albeu.com/



Shtuar më 14/10/2016, ora 17:23

Shkruani komentin tuaj!
Të fundit nga kjo kategori