Procedurat/ Ja si do ta marrin 16-vjeçarët patentën dhe mjetet që mund të drejtojnë
Prej 1 janarit regjistrimi dhe testimi i kandidatëve për leje drejtimi po bëhet përmes një sistemi të ri që ka nisur të aplikohet. Patenta e re ka një kategorizim më të detajuar për drejtues të mjeteve të ndryshme si dhe ka më shumë elementë sigurie.

Drejtuesit e ShërbimitTransportit Rrugor, theksojnë se tarifat e reja të shërbimit për testimin apo edhe pajisjen me leje drejtimi nuk ndryshojnë. Një patentë e veçantë do të jetë për të rinjtë mbi 16-vjeç.

Po sipas drejtuesve të ShërbimitTransportit Rrugor, leja e drejtimit të kategorisë AM jepet për personat me moshë mbi 16-vjeç, të cilët kanë të drejtën të drejtojnë çiklomotorë, mjete me motor cilindirata e të cilave është deri në 50 kubikë dhe që realizojnë shpejtësi deri në 25 deri në 45 km/orë.

Personi duhet të pajiset me çertifikatë mjekësore dhe duhet të paraqitet pranë zyrave të Drejtorisë së ShërbimitTransportit Rrugor për tu regjistruar. Pas regjistrimit futet në provimin e teorisë, dhe nëse e fiton pajiset me leje drejtimi, shkruan BË.

Kush do të drejtojë makinë automatike mund të marrë një patentë të posaçme më lehtë se sa makina standarde, por nuk mund të drejtojë makina të tjera.

Lejet aktuale të drejtimit do jenë të vlefshme deri në përfundim të afatit të saj. Lejet e reja të drejtimit, sipas përfaqësuesve të shërbimittransportit rrugor, krijojnë kushtet për t’u njohur më vonë edhe në shtetet e Bashkimit Evropian. /albeu.com/
Shtuar më 09/01/2017, ora 18:44

Shkruani komentin tuaj!
Të fundit nga kjo kategori