Policia sqaron ngjarjen në Vlorë: Një person qëlloi me armë në ajër, në pranga dy të rinj
Policia e Shtetit ka sqaruar ngjarjen në Vlorë, ku një person qëlloi me armë zjarri.

Edhe pse u raportua për një person të plagosur, policia nuk e konfirmon një gjë të tillë.

Në njoftimin zyrtar thuhet se në pranga u vu 26-vjeçari me iniciale E. Ç., i cili dyshohet se ka qëlluar me armë në ajër. Po ashtu në pranga u vu edhe shoku i tij, shtetasi me iniciale F. Z.

Të shtënat me armë në qytetin e Vlorës.

Qëlloi me armë zjarriajër, falë ndërhyrjes në kohë të Policisë kapet dhe vihet në pranga 26-vjeçari.

Sekuestrohet edhe arma e zjarrit pistoletë me të cilën dyshohet se ka qëlluar në ajër.

Shoqërohet në Polici edhe shoku i 26-vjeçarit që ishte me të.

Patrulla e Policisë Kufitare në Triport Vlorë, rreth orës 19:00, në afërsi të Triportit, ka dëgjuar të shtëna me armë zjarri dhe mejëherë ka kërkuar ndihmën e Policisë së Rendit.

Menjëherë në vendngjarje kanë shkuar shërbimet e Policisë Kufitare dhe Patrullat e Përgjithshme të Komisariatit të Policisë Vlorë, të cilat falë reagimit në kohë bënë kapjen në flagrancë të shtetasve E. Ç., 26 vjeç dhe F. Z., 26 vjeç, të dy banues në Vlorë.

Gjithashtu, në vijim të veprimeve u sekuestrua dhe një armë zjarri pistoletë që e kishte shtetasi E. Ç., e cila dyshohet të jetë arma me të cilën ai ka qëlluar në ajër.

Grupi hetimor, nën drejtimin e Prokurorisë, po vijon veprimet për zbardhjen e rrethaneve të ngjarjes.
Shtuar më 25/10/2020, ora 20:10

Shkruani komentin tuaj!
Të fundit nga kjo kategori