Policia sqaron incidentet në Bathore e Kashar
Në lidhje me incidentet e ndodhura mbrëmjen e djeshme në Kashar dhe Bathore, policia e shtetit ka dalë në një deklaratë për shtyp për të sqaruar situatë. zëdhënësja e policisë së Tiranës Alma Katragjini ka theksuar se policia ka bërë të mundur ndalimin e Luan dhe Viktor Sulaj të cilët kanë kanosur me armë dhe kanë goditur me mjete të forta Fatjon dhe Genci Kamberi.

Sipas policisë në lidhje me këtë ngjarje janë shpallur në kërkim edhe shtetasit Alfred Sula Ismail Sula dhe Ramazan Sulaj si dhe Shkëlqim Lleshi.

Ndërkohë për ngjarjen në Bathore, policia ka bërë të mundur arrestimin e 21-vjeçarit Krenar Baja pasi dyshohet se është autor i dëmtimit të dy automjeteve.

Gjithashtu sipas policisë kanë filluar procedimet penale edhe për 10 shtetas të cilët kanë bllokuar rrugën në zonën e Bathores.

Policia e shtetit do të tregojë paanshëmri dhe seriozitet në përmbushjen e detyrave të saj sipas ligjit” tha zëdhënësja. /albeu.com/

Shtuar më 11/04/2011, ora 11:31
Shkruani komentin tuaj!
Të fundit nga kjo kategori