Policia: S'kemi për detyrë t’i ruajmë derën Fullanit
Pëlqej
Teksa pranë banesës së Fullanit nuk janë parë forca policie, një deklaratë për mediat ka ardhur në këtë drejtim, duke i mëshuar faktit se policia nuk e ka detyrim ligjor.

Ndonëse guvernatori Ardian Fullani ndodhet në "arrest shtëpie", ai nuk ruhet nga policia. Referuar kësaj çështje kanë reaguar edhe uniformat blu, ku nëpërmjet një njoftimi zyrtar sqarojne se janë duke e monitoruar.

Më tej citohet se nuk është për detyrim ligjor tё vendosё punonjёs policie pranё derёs sё banesёs sё personit ndaj tё cilit gjykata vendos masёn e sigurisё “arrest nё shtёpi”. Në rast se i dyshuari nuk ka respektuar masën e sigurisë, atëhere do të kryhen veprime proceduriale dhe materialet do t’i kalojnë prokurorisë.

Njoftimi i plotë i policisë

"Sqarim lidhur me lajmin e publikuar nё disa media online, mbi mospraninё e punonjёsve tё policisё tek dera e banesёs sё ish-Guvernatorit tё Bankёs sё Shqipёrisё:

Policia e Tiranes sqaron opinionin publik se Gjykata e Apelit Tiranё nё vendimin e ditёs sё djeshme ka caktuar pёr tё dyshuarin masёn e sigurisё “arrest nё shtёpi”.

Nё zbatim tё detyrave tё pёrcaktuara nё aktet ligjore, përkatësisht nenin 237 të Kodit të Procedurës Penale, Policia e Shtetit ka marrё masa pёr kontrollimin e respektimit tё urdhrit tё dhёnё nga Gjykata ndaj tё dyshuarit dhe nisur nga rёndёsia e rastit po e monitoron me kujdes.

Sipas akteve normative nё fuqi, nuk ёshtё detyrim ligjor i Policisё sё Shtetit tё vendosё punonjёs policie pranё derёs sё banesёs sё personit ndaj tё cilit gjykata vendos masёn e sigurisё “arrest nё shtёpi”.

Nё rast se nga shёrbimet e policisё do tё konstatohet se i dyshuari nuk ka respektuar masёn e sigurisё “arrest nё shtёpi”, do tё kryhen veprimet proceduriale dhe do i referohen materialet Prokurorisё". /albeu.com/
Shtuar më 17/09/2014, ora 09:24
Shkruani komentin tuaj!
Të fundit nga kjo kategori