Policia, masa ndaj personave që ndërtojnë pa leje
Pëlqej
Policia vijon operacionin për mbrojtjen e territorit të Shqipërisë ka gjatë ditëve të fundit janë evidentuar 231 ndërtime pa leje, për të cilat janë proceduar penalisht 232 persona.

“Për 25 shtetas, është marrë masa e arrestit në flagrancë, 130 shtetas janë proceduargjendje të lirë dhe 7 shtetas janë shpallur në kërkim. Vetëm gjatë ditës së djeshme, strukturat e Policisë së Shtetit kanë evidentuar 76 ndërtime të paligjshme në të gjithë territorin e vendit, duke proceduar 76 persona dhe arrestuar 4 prej tyre. Ky operacion i ndërmarrë nga strukturat e Policisë së Shtetit do të vijojë me të njëjtin angazhim, duke ushtruar një kontroll të plotë në të gjithë territorin e vendit, me synim parandalimin dhe goditjen e krimeve kundër mjedisit”, tha ne një deklarate për mediat, drejtori i Rendit Publik Gjovalin Loka.

Në vijim ai shtoi se Policia e Shtetit është e vendosur të përmbushë misionin dhe detyrat e saj në mbrojtje të territorit dhe mjedisit të vendit, në mbrojtje të interesit të të gjithë qytetarëve të Shqipërisë, duke vendosur para drejtësisë të gjithë ata persona, të cilët janë përfshirë në një veprimtari të tillë kriminale.

Rastet e evidentuara sipas Drejtorive të Policisë në Qarqe janë si më poshtë:

Nga Drejtoria e Policisë së Qarkut Tiranë janë evidentuar 64 raste të ndërtimeve pa leje, janë proceduar 64 persona, nga të cilët 7 janë arrestuar në flagrancë, 53 prej tyre ndiqen në gjendje të lirë dhe 4 shtetas janë shpallur në kërkim.

Nga Drejtoria e Policisë Qarkut Durrës, janë evidentuar 35 raste të ndërtimeve pa leje, janë proceduar 34 persona, nga të cilët 6 janë arrestuar në flagrancë, 28 prej tyre ndiqen në gjendje të lirë, ndërkohë q ë në një rast po punohet për identifikimin e pronarit të objektit.

Nga Drejtoria e Policisë së Qarkut Elbasan janë evidentuar 29 raste të ndërtimeve pa leje, janë proceduar 29 persona, nga të cilët 1 është arrestuar dhe 28 ndiqen në gjendje të lirë.

Nga Drejtoria e Policisë së Qarkut Fier janë evidentuar 25 raste të ndërtimeve pa leje, janë proceduar 25 persona, nga të cilët 2 janë arrestuar në flagrancë, 23 prej tyre ndiqen në gjendje të lirë dhe 1 shtetas është shpallur në kërkim.

Nga Drejtoria e Policisë së Qarkut Korçë janë evidentuar 10 raste të ndërtimeve pa leje, janë proceduar 10 persona, nga të cilët 1 është arrestuar në flagrancë dhe 9 ndiqen në gjendje të lirë.

Nga Drejtoria e Policisë së Qarkut Vlorë janë evidentuar 9 raste të ndërtimeve pa leje, janë proceduar 9 persona, nga të cilët 2 janë arrestuar në flagrancë, 7 prej tyre ndiqen në gjendje të lirë.

Nga Drejtoria e Policisë së Qarkut Shkodër janë evidentuar 7 raste të ndërtimeve pa leje, janë proceduar 7 persona, nga të cilët 2 janë arrestuar dhe 5 ndiqen në gjendje të lirë.

Nga Drejtoria e Policisë së Qarkut Gjirokastër janë evidentuar 3 raste, për të cilët ndiqen në gjendje të lirë 3 shtetas.

Nga Drejtoria e Policisë së Qarkut Berat, janë evidentuar 15 raste të ndërtimeve pa leje, janë proceduar 15 persona, të cilët ndiqen në gjendje të lirë.

Nga Drejtoria e Policisë së Qarkut Lezhë janë evidentuar 20 raste të ndërtimeve pa leje, janë proceduar 20 persona, nga të cilët 4 janë arrestuar, 15 prej tyre ndiqen në gjendje të lirë dhe 1 është shpallur në kërkim.

Nga Drejtoria e Policisë së Qarkut Dibër janë evidentuar 11 raste të ndërtimeve pa leje, janë proceduar 12 persona, të cilët ndiqen në gjendje të lirë.

Nga Drejtoria e Policisë së Qarkut Kukës janë evidentuar 3 raste të ndërtimeve pa leje, janë proceduar 3 persona, nga të cilët 2 ndiqen në gjendje të lirë dhe 1 tjetër është shpallur në kërkim.



Shtuar më 29/08/2014, ora 14:34
Shkruani komentin tuaj!
Të fundit nga kjo kategori