Policia Kufitare ka shpëtuar një 50-vjeçar që lundronte me varkë në liqenin e Pogradecit.

Pas marrjes së njoftimit në orën 07:55 nga Patrulla e Përgjithshme e Policisë së Pogradecit, për një shtetas që lundronte me varke, i cili kërkonte ndihme në brendësi të liqenit, brenda pak minutash ka shkuar mjeti lundrues i SPKM-Pogradec.

Policia Kufitare e ka nxjerrë prej aty 50-vjeçarin me inicialet Y.B., thuajse pa ndjenja dhe e transportoi me ambulance ne spitalin e Pogradecit. Atij menjëherë iu dha ndihma mjekësore. Bluzat e bardha thonë se është jashtë rrezikut për jetën. /albeu.com/