Policia i merr celularin, zbulon shkeljen që do t’i hapë punë 42 vjeçarit në Belsh
Pronarin i një lokali në Belsh është proceduar penalisht pasi u konstatua se në brendësi të lokalit të tij vendoseshin bileta të lotarive sportive, një veprimtari e ndaluar me ligj prej janarit.

Gjatë kontrollit policia ka zbuluar se në lokalin e tij vendoseshin lloto duke sekuestruar edhe një celular me të cilin kryehej veprimtaria e paligjshme.

“Procedohet penalisht pronari i subjektit, shtetasi K. Q., 42 vjeç, banues në Belsh, për veprat penale “Organizimi i lotarivepalejuara”, “Fshehja e të ardhurave” dhe “Vënia në dispozicion e lokaleve për lojërat të palejuara”.

Procedimi ndaj këtij shtetasi filloi pasi, në Belsh, në subjektin e tij “Bar-Kafe”, iu gjet dhe u sekuestrua në cilësinë e provës materiale një aparat celular me faqe sportive të hapura, ku kishin të vendosura biletat me ndeshje”, njofton policia.
Shtuar më 25/06/2020, ora 13:12

Shkruani komentin tuaj!
Të fundit nga kjo kategori