Policia e Tiranes: PS nuk na njoftoi per greven
Albeu.com
Policia e Tiranës në një njoftim për shtyp ka deklaruar se tubimi i i PS-së , u zhvillua normalisht dhe Policia në bashkëpunim me organizatorët mori masa të plota për mbarëvajtjen e tubimit.
Sipas Policisë, pas tubimit, një grup prej 30 - 40 personash, kanë prishur rendin dhe qetësinë publike në Kryqëzimin e rrugës së "Elbasanit" dhe në vazhdim edhe në Bulevardin "Zhan D'ark" dhe "Bajram Curri", duke shkatërruar disa objekte të reklamave të qytetit." Forcat e policisë bënë të mundur shoqërimin e 23 prej tyre në Komisaraitin e Policisë Nr.1 Tiranë dhe pas kryerjes së veprimeve të nevojshme proceduriale ata u lanë të lirë", thuhet në njoftim.

Ndërkaq, policia deklaron se nuk është njoftuar për grevën e PS-së. "Në të gjitha njoftimet që Partia Socialiste ka dërguar në Drejtorinë e Policisë së Qarkut Tiranë nuk ka kërkuar mbështetjen e policisë për këtë përshkallzim të protestës, me qëllim që Policia të marrë masat e saj në zbatim të ligjit. Policia u kërkon organizatorëve të grëves që të marrin masa për zhbllokimin e bulevardit dhe lënien e lirë të mjeteve të trasportit", tha zëdhënësja Alma Katragjini.

Sipas policisë edhe koncert festiv i PD-së u zhvillua pa incidente.

Policia e Tiranës bën me dije se situata në qarkun e Tiranës është e qetë dhe Policia e Kryeqytetit, krahas masave për sigurimin e rendit dhe të qetësisë në bulevardin "Dëshmorët e Kombit", ka marrë të gjitha masat e nevojshme për garantimin e rendit dhe te qetësisë në të gjithë territorin e qarkut.
Shtuar më 02/05/2010, ora 00:38
Tage: arkiv

Shkruani komentin tuaj!
Të fundit nga kjo kategori