Balla përgëzon Kosovën për zgjedhjet: Kanë një kulturë të theksuar demokratike

Kreu i grupit parlamentar të PS-së, Taulant Balla ka reaguar pas zgjedhjeve në Kosovë. Balla shkruan se Kosova ka një kulturë demokratike në procesin e zgjedhjeve dhe gjithashtu ka uruar kryetarin e ri të Prishtinës, Përparim Ramën dhe të kandidatëve fitues.

“Përgëzime popullit të Kosovës për mbajtjen e zgjedhjeve vendore me një kulturë të theksuar demokratike. Urimet i shkojnë të gjithë kandidatëve fitues, nga parti të ndryshme politike: PDK (9 komuna), LDK (7 komuna), AAK (5 komuna), VV (4 komuna), NISMA (1 komunë). Urim i veçantë për fituesit e kryeqytetit, Përparim Ramën Kryetari i ri i #Prishtinë dhe Lumir Abdixhiku Kryetar i LDK”, shkruan Balla./albeu.com


Shtuar 14.11.2021 22:41