Po rriheshin me njëri-tjetrin, arrestohen babë e bir në Vlorë
Babë e bir janë arrestuar nga policia e Vlorës pasi ushtruan veprën penale “Dhuna në familje”.

Sipas policisë, u arrestuan një 69-vjeçar dhe 27-vjeçar të cilët po konfliktoheshin fizikisht për motive të dobëta, por u parandalua ngjarja e rëndë.

Njoftimi i policisë

Policia vë në pranga dy shtetas, për veprën penale “Dhuna në familje”.

Specialistët për Hetimin e Krimeve në Komisariatin e Policisë Vlorë, në vijim të punës për parandalimin e përshkallëzimit të dhunës në familje, arrestuan në flagrancë shtetasit N. L., 69 vjeç, dhe V. L., 27 vjeç, (babë dhe bir) banues në Selenicë.

Arrestimi i tyre u bë pasi, gjatë një konflikti për motive të dobëta, kanë ushtruar dhunë fizike ndaj njëri- tjetrit.

Materialet i kaluan Prokurorisë së Rrethit Gjyqësor Vlorë, për veprime të mëtejshme.
Shtuar më 17/01/2021, ora 09:43

Shkruani komentin tuaj!
Të fundit nga kjo kategori