Po arratisej, prangoset bullgari i dënuar me 4 vite heqje lirie nga drejtësia shqiptare
Dogana e Qafë Thanës
Një shtetas nga Bullgaria është vënë në pranga sot në Qafë-Thanë.

Ndaj 52-vjeçari, Gjykata e Apelit Tiranë ka caktuar masën e sigurisë arrest me burg 4 vjet.

Njoftimi i policisë:

Shërbimet e Stacionit të Policisë Kufitare në Qafë-Thanë, në hyrje të Republikës së Shqipërisë, bënë ndalimin e shtetasit të shpallur në kërkim: G.K, 52 vjeç, banues në Bllagoevgrad-Bullgari.

Ndalimi i tij u bë pasi, Gjykata e Apelit Tiranë me vendimin e datës 12.11.2015, e ka dënuar këtë shtetas me 4 vite burg (nga të cilat i mbeten për të vuajtur 3 vite e 8 ditë burg) për veprën penale “Fshehja e të ardhurave”.

Veprimet e mëtejshme lidhur me këtë rast do të ndiqen nga Seksioni për Krimin Ekonomik-Financiar, pranë Drejtorisë Vendore të Policisë Tiranë.
Shtuar më 26/10/2019, ora 16:59

Shkruani komentin tuaj!
Të fundit nga kjo kategori