3 investitorë kandidatë për të blerë aksione të klubit

Ky është informacioni që ka marrë shpejt vrull ditët e fundit. Ndërsa një investitor amerikan është pozicionuar për të blerë PSG-në, Nasser Al-Khelaifi kishte pranuar se ishte i hapur për shitjen e aksioneve të klubit, me vlerë katër miliardë euro.

“Një ofertë për blerje prej 4 miliardë? Mbi 4 miliardë, sigurisht. Por ne nuk do ta shesim klubin. Por pse jo një përqindje e vogël e klubit. Ne po mendojmë për oferta të ndryshme në fakt”, tha presidenti i PSG-së në valët e TalkSport.

Këtë të martë, Bloomberg thotë se tre investitorë dy amerikanë dhe një evropian, tani janë të interesuar të blejnë midis 7.5% dhe 15% të aksioneve të kampionit francez në fuqi. Për më tepër, PSG duhet ta mbyllë sezonin me 700 milionë euro të ardhura, një rekord për klubin dhe mjaftueshëm për të tërhequr investitorë. /G.D albeu.com/