Plasi kopja sheshit, shtyhet pa afat konkursi për gradën "Komisar"
Konkursi për gradën "Komisar", është vendosur që të shtyhet për një datë tjetër por të pacaktuar.

Ky vendim është marrë nga Drejtori i përgjithshëm i Policisë së Shtetit, Ardi Veliu.

Kujtojmë se ky është anulimi i dytë i këtij konkursi pasi i pari u anulua me datë 7 nëntor ku u shpall i pavlefshëm pasi rezultoi se përgjigjet e testit kishin dalë dhe në provim garuesit kishin kopjuar.

Ndërkohë Shërbimi për Çështjet e Brendshme dhe Ankesave ka nisur hetimet për komisionin që monitoroi provimin. Komisioni kryesohej nga Aida Hajnaj.

Rreth 400 oficerë policie konkurruan më 7 nëntor për 130 pozicione vakante për gradën Komisar. Konkurrentët iu nënshtruan një testi quiz me alternative të cilat korrigjoheshin nëpërmjet skadronit dhe përgjigjja dilte brenda ditës.

Nga kontrolli i testit rezultoi se 177 kandidatë kishin marrë më shumë se 70 pike duke u shpallën fitues.

Por nisur nga ankesat e shumta të disa prej konkurentëve, pikët e grumbulluara dhe mënyra e zgjidhjes se testit, Drejtori i Përgjithshem i Policisë e shpalli këtë konkurrim të pavlefshëm pasi rezultoi se teza e zgjidhur e testit ishte vjedhur dhe ishte marrë nga aplikantët para nisjes se konkurimit.
Shtuar më 15/11/2018, ora 09:42

Shkruani komentin tuaj!
Të fundit nga kjo kategori