Pipero jep garanci: Shkoni në plazh, virusi nuk qëndron në ujin e detit
Duke iu referuar plazhit, doktor Pëllumb Pipero tha, këtë mbrëmje në "Open" se rëra dhe uji i detit janë pozitive, sepse luftojnë infeksionet, qoftë edhe koronavirusin.

"Uji i detit pastron lëkurën dhe rrugët e frymëmarrjes, forcon mekanizmat mbrojtës, u bën masazh muskujve dhe u kthen fortësinë, gjithashtu ndikon pozitivisht për hundën dhe fytin," – shpjegon Pipero.

"Sipas këshillave të ekspertëve, gjatë ditëve që jeni në plazh është mirë që çdo ditë të bëni shëtitje përgjatë bregut, për të paktën 20 minuta dhe mundësisht në orët e para të mëngjesit ose mbazdite vonë, pasi në ajrin që thithni, gjenden grimca të vogla të ujit të detit, të cilat pastrojnë rrugët e frymëmarrjes", tregon më tej mjeku.

Por, Pipero tregon se nuk duhen lejuar në asnjë mënyrë shkuma party, apo grumbullime të rinjsh në ambiente siç janë lokalet, ndërsa shton se duhen zbatuar protokollet.
Shtuar më 12/05/2020, ora 23:57

Shkruani komentin tuaj!
Të fundit nga kjo kategori