Personi i vrarë në Shkodër është kunati i "të fortit", lidhja me bashkinë
Pëlqej
Një ngjarje e rëndë ka ndodhur në orët e para të mëngjesit të sotëm, ku një person është qëlluar për vdekje me armë zjarri tek ish-Poçeria në lagjen Kiras në Shkodër.

Viktimë e breshërisë së plumbave poshtë një lokali ka mbetur shtetasi i identifikuar si Fatbardh Lici, 53 vjeç, banues në lagjen Guerile në Shkodër.

Viktima është vëllai i Mustafa Licit, kryetar i partisë 'Mendimi i Djathtë Liberal', njëherazi edhe anëtar i Këshillit Bashkiak të Shkodrës dhe kunati i Lul Kullës, i njohur si "i forti" i Shkodrës.

Në vendngjarje kanë mbërritur menjëherë forcat policore, të cilat kanë filluar hetimet për shkaqet e ngjarjes, ndërsa në fshatin Dobraç është gjetur duke u djegur një mjet tip Benz i cili dyshohet se ka lidhje me ngjarjen dhe me autorin e krimit.
Shtuar më 10/08/2018, ora 09:03
Shkruani komentin tuaj!
Të fundit nga kjo kategori