Pershkoi liqenin e Ohrit, ne shenje proteste
Albeu.com
Agron Biba, anëtarë i BDSH, sot e përshkoi në not liqenin e Ohrit prej Ohrit e deri në Strugë për t'u bërë thirrje shtetit që t'a zbatojë Marrëveshjen e Ohrit.Liqeni i Ohrit dhe Marrëveshja Kornizë e Ohrit sot i bashkoi disiplina sportive. Anëtari i Bashkimit Demokratik Shqiptar, Agron Biba, përshkoi në not liqenin prej portit të Ohrit e deri në Strugë. Ai e bëri këtë si një apel drejt shtetit, për zbatimin e plotë të Marrëveshjes së Ohrit.Para se të fillojë notin atij iu kryen të gjitha kontrollimet, pasi uji i liqenit sot kishte vetëm 12 gradë celsius.

"Këtu në vilën e Titos, ashti si e njohim të gjithë ne, qe nënshkruar Marrëveshja e Ohërit e cila ende nuk respektohet. Do të thotë se duhet, ne shqiptarët në shqip themi besë, besa kur të jepet, e dhënë është. Do të thotë fjala e dhënë respektohet dhe domosdo të respektohet dhe ne patjetër të fitojmë atë që na takon këtu, që gjyshërit e mi që kanë vënë gurë në amfiteatrin duhet poashtu të respektohen", tha Agron Biba.

Nga BDSH thonë se historia dhe kultura e shqiptarëve në Ohër është anashkaluar. Pikërisht prej atje del ideja për këtë not gjysmë maratone të Agron Bibës. Për të, aspak nuk ishte pengesë uji i ftohtë i liqenit, temperatura e të cilit ishte vetëm 12.5 gradë celsius. Para se të fillonte notin atij iu bënë të gjitha kontrollimet e duhura mjekësore, ndërsa deri në mbërritjen e tij në Strugë, ai u shoqërua nga bashkë-partiakët e tij. (alsat)
Shtuar më 28/05/2008, ora 22:52
Tage: arkiv
Shkruani komentin tuaj!
Të fundit nga kjo kategori