Përplaset nga treni, humb jetën 52-vjeçari në Durrës
Pëlqej
Një ngjarje e rëndë ka ndodhur sot në Durrës. Një burrë ka humbur jetën pasi është përplasur për vdekje nga treni.

Policia bën me dije se viktima është F.H. 52 vjeç, banues në Sukth, bëjnë me dije burime nga Policia e Durrësit, që shtojnë se incidenti tragjik ka ndodhur rreth orës 15:10, në Sallmone.

Ai është përplasur nga treni i linjës hekurudhore Durrës – Vorë, tek nënkalimi hekurudhor.

Përplasja ka qenë e fuqishme dhe si pasojë 52-vjeçari ka ndërruar jetë.

Mashinisti ndodhet në vendngjarje dhe do të shoqërohet në ambientet e Komisariatit të Policisë për sqarimin e rrethanave të ngjarjes, bëjnë me dije burime zyrtare nga Policia, ndërsa shtojnë se grupi hetimor ndodhen në vendngjarje. /albeu.com/

Shtuar më 13/09/2017, ora 16:26
Shkruani komentin tuaj!
Të fundit nga kjo kategori