Maqedoni: Traktori përplaset me makinën, humb jetën 51 vjeçari

Një traktorist ka humbur jetën mëngjesin e sotëm në Kavadar në një aksident të rëndë afër Jugokomercit, kur janë përplasur një traktor dhe një makinë.

Aksidentin e konfirmoi Veroljub Dodevski, zëdhënës i SPB Veles.

Ai tha se nuk mund të japë më shumë detaje derisa ekspertiza është në vijim. Sipas informacioneve të para shoferi i traktorit ka qenë i moshës 51 vjeçare. Shoferi i makinës është dërguar në Spitalin e Përgjithshëm Kavadar.

Mbrëmë gjithashtu ka pasur përplasje të një traktori dhe makine afër fabrikës Drekslmaer, ku humbi jetën një person i ri.


Shtuar 9.07.2020 17:09