Përfundon me makinën në ujë, arrestohet shoferi
Pëlqej
Policia ka vënë në pranga një shofer nga Gostima e Cerrikut, Panajot Beqiri.

Ai ka rënë bashkë me shokun e tij në ujë me makinën që po udhëtonte.

Beqiri, 31 vjeçr, u arrestua për shkelje të rregullave të qarkullimit rrugor.

Policia tha se "arrestimi i tij, u bë pasi në rrugën automobilistike tek ura e zallit të fshatit Gostimë, duke drejtuar një “Fiat” ka humbur kontrollin e drejtimit të mjetit, ka dalë nga rruga duke rënë në lumë.

Si pasojë, është dëmtuar vetë por edhe pasagjeri Xh.B., 23 vjeç, bashkëfshatar i tij, që u dërgua në spitalin e Traumës në Tiranë.

Dosja e Beqirit iu dërgua Prokurorisë së Rrethit Gjyqësor Elbasan për veprime të mëtejshme për veprën penale "Shkelja e Rregullave të Qarkullimit Rrugor" . /albeu.com/
Shtuar më 14/02/2018, ora 11:47
Shkruani komentin tuaj!
Të fundit nga kjo kategori