Partia Demokratike i ka kërkuar kryeministrit Edi Rama që të japë sqarime në lidhje me akuzat e koleksionistit Gjergji Thimio. Në një deklaratë për mediat deputeti demokrat Aldo Bumçi i kërkoi edhe Prokurorisë që të nisë hetimet për këto akuza.

"Kreu i qeverisë Rama, mentori i tij Koço Kokëdhima dhe koleksionisti i palegalizuar Lame nuk dhanë asnjë sqarim publik për këtë akuzë tronditëse në sallën e gjyqit.
Gjergji Thimio u shpreh se deputeti Kokëdhima dhe Artan Lame kërkuan për kryeministrin Edi Rama një pikturë të rrallë të Onufrit me vlerë 1 milionë euro për këshilltarin e tij Toni Blair." tha Bumci.

Sipas tij koleksionisti Thimio deklaroi se pjesë nga koleksioni i tij kanë humbur në inventarin e pikturave dhe ikonave duke akuzuar Ramën dhe Kokëdhimën për vjedhjen e tyre dhe inskenimin e arrestimit të tij për këtë qëllim.

Partia Demokratike i kërkon Prokurorisë të nisë menjëherë hetimet për këtë akuzë të Gjergji Thimios dhe të hetojë dëshminë e dhënë përpara trupit gjyqësor.