PD: Rama producent i inkriminimit të Kuvendit
Pëlqej
Partia Demokratike kërkoi edhe sot reagimin e kryeministrit Edi Rama për atë që ata e quajnë inkriminim të Parlamentit. Përmes një deklaratë për mediat, selia blu akuzon kreun e qeverisë se po qëndron si producent i dhunës dhe inkriminimit të Kuvendit.

“41 ditë më parë, Edi Rama porositi një sulm të pangjashëm në historinë e parlamentit të 23 viteve, duke goditur e kërcënuar me jetë përfaqësuesit e Partisë Demokratike. Dhuna e ushtruar ndaj opozitës në parlament, erdhi pas denoncimeve të Partisë Demokratike për inkriminimin që Edi Rama i ka bërë zyrave të shtetit, deri dhe parlamentit. Dhe u vërtetua botërisht se Edi Rama i ka dhënë mandatin dhe imunitetin e deputetit, Arben Ndokës, të dënuar për trafik prostitucioni në rrethana rënduese dhe për heqje të paligjshme të lirisë së tjetrit. Vepra të rënda penale, për të cilat gjykata e Romës, e ka dënuar deputetin e Edi Ramës me 7 vite burg” thuhet ne deklaratë.

Sipas PD, këto zhvillime të lidhura me njëra tjetrën, kanë tronditur mbarë opinionin publik.

"Kjo tronditje, vetëm sa është thelluar me heshtjen e Edi Ramës. Kryeministri që qëndron si producent i dhunës dhe inkriminimit të Kuvendit, më kot shpreson se duke mos reaguar, duke mos thënë asnjë fjalë të vetme për 41 ditë, do të mund të ulë përmasat e skandalit" thuhet me tej ne deklarate. /albeu.com/
Shtuar më 20/08/2014, ora 12:03
Shkruani komentin tuaj!
Të fundit nga kjo kategori