PD: Rama, nxitësi kryesor i korrupsionit
Pëlqej
Deklaratat e Kryeministrit Edi Rama për luftën ndaj korrupsionit janë cilësuar sot nga partia Demokratike si deklarimet e Fidel Kastros për demokracinë. Në një deklaratë për mediat, deputeti Oerd Bylykbashi u shpreh se kreu i qeverisë është aleati më i mirë sot i korrupsuionit, sepse ai nuk zbaton vendimet e gjykatave.

"Edi Rama është aleati më i mirë sot i korrupsionit, sepse ka bërë të paktën 1400 tendera me prokurim të drejtpërdrejtë, pa garë.
Edi Rama është aleati më i mirë i korrupsionit, sepse ai lejon sarajet pa leje të mikut të tij Kokëdhima, dhe prish ndërtimet e fukarenjve.Korrupsioni nuk gjen mik më të mirë se Edi Ramën, kur vota blihet me lekë, dhe kur me ligj pushohet hetimi i kësaj cështjeje.

Korrupsioni nuk ka mik më të mirë se Edi Rama, kur ministri i tij abuzon me cdo aset shtetëror për dasmën e vet, dhe kur pranon dhurata luksi pa deklaruar asnjë prej tyre” tha Bylykbashi.

Më tej ai u shpreh se korrupsioni sot në Shqipëri nuk ka nxitës më të madh se Edi Ramën, i cili po shkon drejt pushtetit absolut duke kapur cdo institucion të pavarur. /albeu.com/

Shtuar më 23/09/2014, ora 13:54
Shkruani komentin tuaj!
Të fundit nga kjo kategori