PD: Nëna që denoncoi skandalin të merret në mbrojtje
Pëlqej
Lidhja Demokratike e Gruas kërkoi sot që gruaja e cila denoncoi skandalin seksual në zyrat e PS-së të deputetit socialist Koço Kokëdhima në Sarandë të merret në mbrojtje nga policia bashkë me fëmijët e saj.

Përmes një deklarate për shtyp, deputetja e PD-së Albana Vokshi kërkoi hetim edhe për punësimet në administratë që nga muaji shtator i vitit të kaluar, 2013.

"Nëna dhe fëmijët e saj në Sarandë të merren në mbrojtje nga organet shoqërore. Kërkojmë që hetimet të shkojnë deri në fund pa u ndikuar nga njerëz të veshur me pushtet” tha deputetja e PD-së.

Më 16 gusht u bë publik një video ku sekretari i punësimit në zyrën e deputetit socialist Koço Kokëdhima i propozon gruas marrëdhënie seksuale me të bijën e saj 14 vjeçare kundrejt një pune dhe një shtëpie. /albeu.com/
Shtuar më 19/08/2014, ora 12:50
Shkruani komentin tuaj!
Të fundit nga kjo kategori