PD kërkon hetimin e Ramës nga FBI-ja
Partia Demokratike përmes zëdhënëses së saj Laura Vorpsi akuzoi sërish kreun e PS-së, Edi Rama, se nuk ka deklaruar të ardhurat. Sipas Vorpsit, Ramën është kërkuar që të hetohet edhe nga ana e FBI-së, pasi ai dyshohet për pastrim parash.

Rama thotë se do “ndajë me ju zemrën e tij”, por qytetarët kërkojnë që ai të ndajë me ta detajet e të ardhurave të tij të fshehura, dhe taksat e papaguara. Sepse ai nuk flet për asnjë nga to. Në fakt, kanë kaluar pothuajse dy javë që kur mësuam se në mënyrë të paligjshme Edi Rama dështoi të paraqesë deklarimin e të ardhurave të tij. Më pas ne mësuam nga lajmet se Rama jo vetëm që e ka fshehur deklaratën e të ardhurave, por ai gjithashtu nuk ka paguar as taksat për miliona lekë të ardhurash. Të gjitha këto në një kohë që është duke ndërtuar vilën e tij shumë milionëshe, që bazuar në të ardhurat e tij të deklaruara, ai nuk mund ta përballojë diçka të tillë. Atëherë, kush po e ndërton vilën e Edi Ramës? Ai as kësaj pyetje nuk po i përgjigjet.

Ndërsa tani, Kongresit të Shteteve të Bashkuara të Amerikës i është dërguar një letër, ku i kërkohet FBI-së të hetojë Edi Ramën për pastrim parash. Nga erdhën paratë? Cili është burimi i tyre? Edi Rama as për këtë nuk po jep përgjigje”, ka thënë Laura gjatë një konference shtypi./albeu.com/
Shtuar më 19/06/2013, ora 17:57

Shkruani komentin tuaj!
Të fundit nga kjo kategori