Vijon seanca maratonë, flasin Berisha dhe Rama
Update - Vijojnë debatet mes maxhorancës dhe opozitës për programin e qeverise “Rama”. Deputet e opozites kanë akuzuar shumicen per mungese programi, shifrash, faktesh e afatesh.

Nderkohe qe shumica ne Kuvend ka mbrojtur programin, si ai per te cilin kane nevoje shqiptaret, per nje jete me te mire e me te denje.

Para deputeteve ka folur edhe ish-kryeministri Sali Berisha.

Për diskutimin e ishkryeministrit, kreu i grupit parlamentar të Partisë socuialiste, Gramoz Ruçi, kishte kërkuar nga Kryeparlamentari Ilir Meta, që ky diskutim të ishte pa limitin kohor të diskutimeve te tjerë.

Në fjalën e tij, Berisha tha se mazhoranca aktuale i shpalli luftë opozitës, por sipas tij, demokratët nuk mposhten e nuk dërrmohen as kur humbin.

“Zgjedhjet, që u fituan me dhunë e terror, u fituan me premtime antiglobaliste, megjithatë unë pranova humbjen. Demokratët më bënë thirrje të mos jepja dorëheqjen, por një thirrje më eprore më detyroi të jepja dorëheqjen, thirrja e kombit tim. Çfarë ndodhi në këtë Kuvend ku unë erdha si deputet i thjeshtë? Opozitës iu shpall luftë që në seancën e parë për një dokument që nuk e kishte parë kurrë me sy. Ishte një akt lufte t’i kërkoje opozitës të debatonte mbi një dokument që ne s’e kishim lexuar. Por kjo u korrigjua dhe ne erdhëm përsëri në Kuvend. U ulëm këtu për hatrin tuaj. Kryeministri unik në Europë lexoi këtu pamfletin e urrejtjes ndaj opozitës. Ai shpalli epokën e rrënimit të Shqipërisë demokratike. Ai krahasoi 23 Qershorin me 22 Marsin, përmbysjen e etërve të tij. As në Greqinë antike, akte të tilla urrejtje është vështirë të gjesh, në legjendat dhe mitet e asaj kohe. Shqipëria që po rrënohet dhe një popull i mallkuar si populli opozitar. Ndaj dhe ne, në një akt proteste, i dëshmuam zotërisë se ne nuk jemi ata që mendon ai. Tani duhet t’i them në emrin tuaj të gjithëve se jemi një racë e veçantë , që nuk vajtojmë, që nuk lëndohemi aq kollaj. Edhe humbjen e festojmë! Edhe vdekjen e festojmë! Sepse kemi punuar me nder, se po nuk folëm ne, flasin veprat”, tha Berisha.

Ish-kryeministri Sali Berisha paralajmëroi qeverinë e re se në rast të mospërmbushjes së premtimeve e që u ka bërë qytetarëve do të përballet me betejën e opozitës për të ngritur në piedestal dinjitetin e shqiptarëve. Ai ka hedhur gjithashtu akuza të forta ndaj kabinetit të ri qeveritar, duke sulmuar kryesisht ministrin e Brendshëm, Saimir Tahiri.

“Ky vjen sot me kabinetin më nepotik në histori, me tre vetë nga e njëjta familje. Njeriu i patateve të Ramiz Alizës (Shpëtim Cami), hipi në atë funksion vetëm se i tha Ramiz Alisë se do ta zgjidh me pataten, problemin.
Ka një poshtërim, por në hierarkinë e vlerave është më eprorja. Nëse u ke marrë votën duke mashtruar, nuk do lemë betejë pa filluar për të çuar në vend dinjitetin e shqiptarëve. Ndaj përgatitu: beteja është e fituar. Ke premtuar se do hapësh 300 mijë vende pune; ke premtuar se do ulësh taksat; ti u talle me jetën, shëndetin e qytetarëve shqiptarë.

Ka probleme me rendin, është e vërtetë, por një gjë dihet se njeriu që kryeson Shqipërinë ka lidhje me bandën e Kavajës, ka kushuri; me bandën e Lushnjes, ka kushuri; me bandën e Dritan Dajtit, me bandën që i vodhi Spartak Ngjelës 130 kuti votimi.

Para disa ditësh bërë një konferencë, ku duhet thënë se në raundin e parë ishin një lukuni hajdutës, kurse në të dytën, për hir të së vërtetës, ishin burra të nderuar që kishin shpëtuar vendet e tyre.

Ju thatë se Berisha nuk kishte shifra, ndërkohë që ne flisnim vetëm me shifra, përveç se për zëvendësimin e Ramiz Alisë, që do marrë Financat e qeverisë. Por, pse mungojnë këto? Sepse premtimet janë alla Papandreu : (“Ta lefta iparkun” greqisht), “Paratë janë këtu”, kurse shifrat kanë ikur. Anastas përktheje se kjo greqishtja ime vjen nga lashtësia,

Premtimi juaj është që do heqim qoftet nga spitalet, kurse shifra nuk keni.

Si përfundim, nëse këto premtime ju i shndrroni në të vërteta, do të keni votën time. Por nëse i mashtroni shqiptarët, atëherë ne do t’i udhëheqim duke bërë atë që i bënë Xhorxhit, grekët.” U shpreh ish kryeministri Berisha.

Menjëherë pas ishkryeministrit Berisha, fjalën në kuvendin e Shqipërisë e ka marrë kryeministri Edi Rama.

Rama ka deklaruar se Sali Berisha nuk e ka marrë akoma veten nga humbja.

“Fat, se kur ha një milion shuplaka, mendja ose ikën ose të vjen. Krahu i armatosur me shifra të rreme të qeverisë së ikur, INSTA-i dora vetë, sapo ka publikuar një dokument ku thotë se katër vitet e fundit, varfëria nuk është tkurrur, por është futur më thellë. Sipas INSTAT-it dora vetë, varfëria nga 12.4% është rritur në 13.4%.

Dëgjoni dhe mbani mend se çfarë do t’ju them sot: Personalja, fisi e fara nuk do jenë asnjëhërë pjesë e fjalës sime, por fshijeni nga mendja se unë do t’ju kursej për të pabërat e lebetitshme që keni bërë. Dhe padyshim do t’i afroheni më shumë interesave të qytetarëve”, u shpreh kryeministri Rama.

Rama i bëri thirrje opozitës të bëjë pyetje mbi programin qeverisës.

“Opozita e sotme është e lirë të zgjedhë të mos hapë sytë nga “obobotë ç’na panë sytë në kutitë e votimit”. Ju gënjyer se nuk e morët Programin dhe pse nuk ishte 1 prillit. I thatë ç’nuk i thatë Qeverisë por Programit të qeverisë asgjë nuk i thatë, sepse ka kohë që nuk e dini se çfarë është një Program Qeverie që i paraqitët Kuvendit.

Jemi këtu për t’i ngritur kokën popullit shqiptar, jo për të gjetur kokën tuaj. E sa për këtë program, që zonja i vuri në dyshim shqiponjën, unë e mirëkuptoj sepse shqiponjat nuk janë njësoj. Mjafton për t’ju qetësuar se shqiponja që ka mbajtur në sup paraardhësi im, ajo e hallakatur, nuk ishte gabim, pavarësisht se estetikisht ishte po aq e hallakatur sa qeveria juaj. Për dijeni, kur Programi dhe Qeveria të miratohen, për dijeni asnjë dokument nuk do mbajë asnjë stemë tjetër veç asaj të Republikës.” tha Rama.


15:52- Ministri i Brendshem, Sajmir Tahiri duke iu përgjigjur akuzave të ish-ministrit Noka ka ironizuar me arsimimin e tij. Në fjalën e tij para deputetëve Tahiri, u shpreh se krimi sot është më trim se shteti, financiarisht më i fortë dhe më i mbrojtur nga muri i pandëshkueshmërisë dhe korrupsionit.

“Përpiqem ta shpjegoj shqetësimin e kolegut për familjen time, dhe shqetësimin e tij për shëndetin tim, ai ka studiuar më shumë për shëndetësinë e ka nisur në diktaturë dhe e mbaroi me anëtarësimin në NATO. Dua të besoj se parafolësi donte të shprehte shqetësimin tim në kuadrin e shqetësimit në tërësi për shëndetin e qytetarëve. Ai mund të shpaloste punët që maxhoranca e djesshme që ka bërë për shëndetin dhe garantimin e jetës së qytetarëve. Unë jam shumë mirë me shëndet, ju faleminderit. Ju bashkoheni në shqetesimin që ka publiku me sigurinë për jetën, shëndetin dhe pronën. Krimi duket se është më trim se shteti, financiarisht më i fortë dhe më i mbrojtur nga muri i pandëshkueshmërisë dhe korrupsionit”- tha Tahiri.

Në vijim të fjalës së tij, Tahiri garantoi se para ligjit dhe policise do te jene te tere te barabarte.

“Do shembim paprekshmerine e me te fortit, nuk do te kete me te paprekshem nga ligji dhe ligji do te jete i barabarte per te gjithe”- tha ai.


15:22- Vijojnë debatet për programin qeverisës. Në fjalën e tij para deputetëve, ish ministri i Brendshem, Flamur Noka akuzoi qeverine e re si nje qeveri pa program, nderkohe qe Ramen si nje kryeminister qe i ka ngelur ora te gjuha e dhunes dhe e urrejtjes.


“Ju zotëri ju servili shqiptarëve si Minister i Brendshem një individ gjysmak, që pasi nuk mbaroi shkollën në Itali, u kthye në Shkodër, e pasi nuk e mbaroi as atje, gjeti një zgjidhje në Tiranë për të marrë diplomë. Ai eshte nje individ depresiv që ka tentuar suicid dhe eshte kuruar per kete, një njeri që kohë më parë ka qenë kontigjent i policisë dhe hajdut kasetofonësh dhe shëtiste me bandën e Shullazit, madje edhe me skaf. Babai i tij ka qenë objekt i punës së policisë së shtetit, kur e ema ka qenë objekt për evazion fiskal, ky eshte poshtërim qe i bëhet Policisë së Shtetit, ofendim që i bëhet shqiptarëve që të lanë ty si gjysmagjel se ai që është gjel është ulur sipër teje”- ka thene ai.


13:02- Deputeti socialist Pandeli Majko gjatë fjalës së tij në Kuvend u shpreh sot se qeveria e re me programin e saj 4-vjeçar është zotuar për zgjidhjen e problemeve edhe pse përpara shfaqen shumë vështirësi.


" Qeveria e re me programin e saj 4-vjeçar është zotuar për zgjidhjen e problemeve, por sigurisht vështirësitë janë të mëdha sepse ndodhemi përpara një “tufe borxhesh”. Të gjitha projektet e mëdha që qeverisja e djathtë nuk i ka përfunduar për mungesë fondesh, si rruga “Durrës-Kukës”, apo “Rruga e Arbërit” që është në një gjendje akoma më të keqe, apo dështimi me privatizimin e “Alpetrolit”, vlen shprehja “nuk dihet ku është dera e ku është dritarja” u shpreh Majko.

Sipas tij pronarët e vjetër dhe ish-të përndjekurit do kenë një plan të përkushtuar për t’i dhënë zgjidhje në kohë këtij problemi. Sipas Majkos, në administratën shtetërore gjen individë që rëndom e kanë kthyer atë një një biznes të rëndomtë, në një gjendje “turpi”.


"Lëvizjet në administratë mund të kenë tendenca politike, por kjo vjen si pasojë e qeverisë së mëparshme. Ky ristrukturim administrativ do të vijë si pasojë e reformës financiare në vend, prandaj kërkoj që Ministrit të financave Shkëlqim Cani t’i jepet përkrahja e nevojshme dhe më e madhja. Financat e vendit qeveria na i ka lënë, ku mungon vetëm shprehja “të rroni vetë”. Prandaj qeveria e re është një emergjencë për vendin tonë" – përfundoi fjalën deputeti Majko.


12:42- Deputeti demokrat Astrit Patozi gjatë fjalës së tij në Parlament renditi gjatë seancës së sotme disa nga arritjet e qeverisë së Partisë Demokratike mes të cilave edhe bërjen e zgjedhjeve demokratike.


“Po iu dorezojme nje vend me paga e pensione qe u dyfishuan, une s’pres te ruani kete trend, por te pakten te mos i ulni se do beheni gazi i botës. Mos e lini ekonomine e 4 mln shqiptare te rrokulliset ne humnere per shkak te keqqeverisjes, nuk pres te keni te njejtin pasion si ne per endrren evropiane por tepakten mos u beni ferre neper kembe per rrugetimin drejt Brukselit”- tha ai.

Sipas tij, 4 vjet me pare vendi ishte normal me opozite anormale.

"Sot jemi nje vend normal me qeveri anormale, jemi me keq se kater vite te shkuara se ate qe te ben qeveria, sta ben as perendia." u shpreh Patozi. /albeu.com/


Shtuar më 15/09/2013, ora 00:22
Shkruani komentin tuaj!
Të fundit nga kjo kategori