Një tërmet me magnitudë 6.5 i shkallës rihter ka rënë në Shtetet e Bashkuara të Amerikës. Lëkundja është regjistruar rreth orës 6 pasdite sipas orës lokale dhe e kishte epiqendrën 44 milje nga perëndimi i Challis në Idaho.
Tërmeti, që ka zgjatur 20-30 sekonda sipas dëshmive, është ndjerë në të gjithë Idahon dhe në shtetet fqinje.
Pak më vonë u regjistrua edhe një paslëkundje e fuqishme me magnitudë 4.5 të shkallës rihter.
Sipas mediave amerikane lëkundjet ishin të forta, por nuk raportohet për lëndime në njerëz apo dëme të konsiderueshme. Departamenti i policisë gjithashtu bëri me dije se nuk ka telefonata për ndihmë.
