Kush është biznesmeni u ekzekutua me pistoletë silenciator në mes të Tiranës
Pastrohet nga lëndët toksike zona e ish-trikotazhit në Korçë
Ka marrë fund makthi në lagjen nr.9 në Korçë, ndërsa ekspertët nga Tirana eliminuan vatrat aktive toksike.

Tashmë zona përreth depos së ish-trikotazhit është e pastër nga lëndët toksike dhe nuk përbën më rrezik për banorët.

Grupi i specialistëve, i cili ka nisur punën që prej mbrëmjes së të shtunës( 20 shkurt) dhe deri në orët e para të mëngjesit të sotëm (21 shkurt) ka eleminuar të gjitha vatrat aktive.

Ndërkohë monstrat janë dërguar në laboratorin e Tiranës për të nxjerrë llojin e lëndës.

Ditët në vijim do të merren masa për largimin e këtyre lëndëve nga ndërtesa.

Fabrika e trikotazhit që gjatë diktturës e bëri Korçën një ndër qytetet me prodhimin më të madh këtë të shtunë rrezikoi më shumë se 10 familje në lagjen nr 9.

Lëndët toksike, të mbetura në ndërtesën e vjetër e të shkatërruar që nga viti 1990 kanë bërë reaksion, duke çliruar gazra dhe duke vënë në rrezik jetën e banorëve.

Menjëherë pas çlirimit të gazrave, banorët e alarmuar hodhën akuza ndaj autoriteteve lokale, duke thënë se kanë bërë kërkesa para disa muajsh por nuk është marrë asnjë masë.

Ndryshimi i temperaturave, bën që lëndët kimike të bëjnë reaksion dhe të çlirojnë gazra të rrezikshëm.

Shtuar më 21/02/2021, ora 09:54

Shkruani komentin tuaj!
Të fundit nga kjo kategori