Pas vizites trejavore ne SHBA, Hoxha kthehet ne Maqedoni!
Albeu.com
Një ndër politikanët më të ri në Maqedoni, njëherit edhe Sekretar për marrëdhënie me publikun dhe zëdhënës i Demokracisë së Re, Arjanit Hoxha përfundoi vizitën trejavore në SHBA, ku ishte pjesë e grupit të liderëve të ...... rinj evropian të cilët vizituan disa shtete të SHBA-ve ku nga afër u njohën me çështjet politike, ekonomike dhe sociale të shtetit amerikan.
“Ishte një përvojë jashtzakonisht pozitive e cila besoj se do më shërbeje gjatë karrierës sime politike. U njoftova nga afër me funksionimin e institucioneve shtetërore atje, por edhe me peshën e sektorit civil në krijimin e politikave të shtetit në përgjithësi. Mbi të gjitha konkluzioni im është se Shtetet e Bashkuara të Amerikës janë shembulli më i mirë se si funksionon shteti demokratik, ku liria e të shprehurit dhe të folurit është virtyti më i lartë i shoqërisë dhe shihet si diçka e shenjtë” deklaroi Hoxha.

Në kuadër të këtij programi grupi i liderëve të rinj evropian ka pasur takime mjaft të rëndësishme ndër të cilat më kryesore janë mengjesi i përbashkët me senatoren nga Kalifornia, Dianne Feinstein, takimet në Departamentin e Shtetit dhe Pentagon si dhe vizita e qendrave të ndryshme historike që tregonin për historikun e funksionimit të shtetit federal të SHBA-ve.
Gjatë vizitës së tij, Hoxha qëndroi në Washington D.C, Filadelfia, New York, Louisville, San Diego dhe New Orleans.

Përndryshe, Arjanit Hoxha ishte i vetmi përfaqësues nga Maqedonia dhe ishte i përzgjedhur nga ambasada amerikane në Shkup.
Shtuar më 20/05/2010, ora 22:12
Tage: arkiv

Shkruani komentin tuaj!
Të fundit nga kjo kategori