Italia dhe Greqia do të përjetojnë “Ferrin” këtë javë, temperatura deri në 45 gradë celsius! Po Shqipëria do të preket?

Në fundjavë europa perëndimore do të preket nga një valë e të nxehtit ekstrem, ku temperaturat pritet të arrijnë deri në 45 gradë celcius. Sinoptikanët kanë dhënë alarmin, duke ju bërë thirrje qytetarëve të bëjnë mjaft kujdes.

“Toka ka një temperaturë të lartë dhe Italia po e ndjen atë vetë”, tha për CNN Luca Mercalli, kreu i Shoqatës Italiane Meteorologjike.

Në Romë, disa turistë u rrëzuan për shkak të goditjes së nxehtësisë të martën dhe herët të mërkurën, duke përfshirë një turist britanik të paidentifikuar që humbi jetën para Koloseut të lashtë të martën, sipas kreut të mbrojtjes civile Giuseppe Napolitano.

Temperatura shumë të larta në Italinë qendrore dhe jugore parashikohen të premten, kur kryeqyteti mund të ketë temperatura rekord midis 40 dhe 45 gradë Celsius. Ministria e Shëndetësisë e Italisë ka lëshuar një alarm të kuq (që do të thotë “rrezik vdekjeje”) në 27 qytete këtë javë, përfshirë Romën, Firencen dhe Bolonjën.

Valët e të nxehtit janë një nga rreziqet natyrore më vdekjeprurëse. Paralajmërimi vjen pas një raporti të botuar në Nature të hënën, i cili zbuloi se vala e të nxehtit të vitit të kaluar vrau 61,672 njerëz në Evropë. Italia kishte shkallën më të lartë të vdekshmërisë me rreth 18,000 vdekje, sipas raportit.

Gjithashtu edhe në Greqi pritet që tempetarurat ekstreme të arrijnë në 45 gradë celcius. Sindikatat i kanë kërkuar qeverisë që dita e premte të bëhet ushim në mënyrë që punonjësit mos ekspozohen në diell.

Ndërkohë që edhe në Shqipëri do të ketë temperatura të larta, por nuk pritet t’i kalojnë 42 gradë celcius.


Shtuar 12.07.2023 17:33