Ambasadori i SHBA-së në Tiranë Aleksandër Arvizu është takuar sot me ish kryeministrin Fatos Nano, tek “Piazza” në kryeqytet. Pas takim Arvizu vlerësoi kandidaturën e Nanos për këtë post. Në një prononcim për mediat ai u shpreh se i rëndësishëm është procesi i zgjedhjes së Presidentit.

"Jam shumë i kënaqur që Nano mori kohe për tu takuar me mua. Sikurse shumë shqiptare edhe unë ndjek emisionin “ Zonë e Lirë” në TV Klan ku paraqitet lista me kandidatët potencilë për President. Disa kandidatë janë më seriozë se sa të tjerët, Nano futet tek kandidatët e mire. I rëndësishëm është procesi i zgjedhjes së Presidentit. Ky është një proces që i përket shqiptarëve. Ne nuk po flasim për emërimin e një ministri por Presidentin Republikes kështu që kërkesat janë të vendosura në kushtetutë", u shpreh Arvizu.


Në prononcimin për media Arvizu përmendi edhe një takim të zhvilluar gjatë së premtes me kryeprokuroren Rama e cila sipas tij kishte përparuar me hetimet për 21 Janarin.

"Jam takuar të premten me prokurorën dhe më ka njoftuar se do të paraqesë të tjera akuza. Dhe sikurse shumë shqiptarë kam ndjekur emisionin Sokol Ballës ku ishte i ftuar Nano. Ai bëri komente edhe në lidhje me 21 janarin që për mua janë objektive dhe të mirëmenduara. Jo të gjithë e bësojnë këtë. Ne kemi nevojë për një proces shërimi. Kemi nevojë për njerëz të cilët mendojnë për të ardhmen e këtij vendi. Për një lidership të përgjegjshëm dhe besoj se Nano futet tek kjo kategori" përfundoi ai.


Ndersa Nano e vleresoi takimin me ambasadorin amerikan.
"Arvizu me dha kënaqësine të jetë pjesë e diskutimeve që kam nisur. Ndamë diskutime për nevojën e një klime politike të frytshme të cilat do ti shërbejnë integrimit te Shqipërisë" u shpreh Nano. /albeu.com/