Pas 9 ditësh banorët e Koculit dalin nga greva e urisë
Pas marrëveshjes me kandidatin e majtë, banorët e fshatit Kocul kanë dalë pas nëntë ditësh nga greva e urisë. Kandidati Kasem Cenaj së bashku me banorët ka arritur një marrëveshje, ndërsa problematikat e parashtruara më herët kanë qënë të shumta.

Pas më shumë se një jave ka përfunduar greva për 11 grevistët e fshatit Kocul. Prej vitesh, banorët e fshatit të Vlorës kanë shprehur shqetësimet e tyre lidhur me firmat kontraktore naftë-nxjerrëse në zonë, ku sipas tyre, kanë helmuar ajrin, por edhe kanë prishur rrugën.

Jo vetëm kaq pasi ata kanë shfrytëzuar pronat e tyre, pa u dhënë banorëve asnjë mundësi punësimi. Në takimet edhe me përfaqësues të Prefekturës dhe me kandidatin e majtë për Bashkinë e Selenicës, Kasem Cenaj, banorët kanë arritur një marrëveshje. Kandidati Cenaj, në emër të Ilir Metës ka rënë dakord me banorët për disa pika. Cenaj u shpreh se edhe vetë z. Meta, por edhe qeveria, janë vënë në djeni të problemit dhe të grevës. /albeu.com/

Shtuar më 29/05/2015, ora 15:21

Shkruani komentin tuaj!
Të fundit nga kjo kategori