Parlamenti maqedonas votoi kunder shkarkimit te Veljanovskit
Albeu.com
Parlamenti i Maqedonisë ka hedhur poshtë me shumicë votash projekt-vendimin për shkarkimin e kryeparlamentarit Trajko Veljanovski. Pas një debati 12 orësh, kundër vendimit votuan 68 deputetë të maxhorancës, ndërsa ...... për shkarkimin votuan 14 deputetë nga dy partitë opozitare maqedonase LSDM dhe PRSD.

Partitë e opozitës akuzuan kryeparlamentarin Veljanovski se në incidentin e 1 korrikut që ka ndodhur në ambientet e Parlamentit ka shkelur procedurat për hetimin e incidentit si dhe shkeljen e nenit 43 të Ligjit për Parlamentin. Ata nënvizuan se Veljanovski ka penguar formimin e komisionit anketues për zbardhjen e incidentit.

Nga ana tjetër, deputetët e shumicës parlamentare theksuan se interpelanca për kryetarin e Parlamentit është nxitur me qëllim që të nxihet vendi para opinionit ndërkombëtar, të bllokohet dialogu politik dhe vendi të pranojë raport negativ në shtator nga ana e Komisionit Evropian.

Në incidentin e 1 korrikut, në ambientet e Parlamentit shpërtheu reagimi i deputetëve të opozitës, të cilët reaguan dhe sulmuan një pjesëtarë civil të forcave policore, i cili po xhironte një takim të deputetëve socialdemokrat me punëtorët e ndërmarrjeve të falimentuara. (ina)
Shtuar më 11/07/2010, ora 15:33
Tage: arkiv
Shkruani komentin tuaj!
Të fundit nga kjo kategori