Ish-deputeti socialist, Arben Ndoka ka marrë gjatë këtyre ditëve edhe mbështetjen e disa prej kolegëve të tij të grupit parlamentar të PS-ë.

Pas dorëzimit të mandatit të deputetit, Arben Ndoka ka marrë mbështetjen e disa kolegëve të grupit parlamentar të PS-së. Emri i ish¬deputetit u përmend sërish të premten, për shkak të një kallëzimi që bëri ILDKP për fshehje të pasurisë dhe pastrim parash.

Ndërkohë përmes një statusi në profilin e tij në Facebook, Ndoka sqaron se pasurinë e tij e kishte vënë me biznes të ligjshëm dhe të ndershëm, një ndër komentet mbështetëse në këtë status ishte dhe i deputetit socialist i Kavajës, Parid Cara.

"Beno, me kurajë dhe qetësi do të dalësh nga kjo situatë me kokën lart. Kush të njeh, e dinë mirë se kështu do të ndodhë. Të jam afër vlla", – shkruante, deputeti socialist, Cara, që gjithashtu ka ardhur në PS nga bota e biznesit, zgjedhje e kryetarit të partisë, Edi Rama.

Gjithashtu kreu i grupit parlamentar, Gramoz Ruçi ka deklaruar se e përshëndeste vendimin e Ndokës për të dorëzuar mandatin dhe për të vijuar zgjidhjen e problemeve me drejtësinë. /albeu.com/