Panariti flet për deklaratat e Tahirit: Le të flasin qytetarët...
“Kriza politike aktuale që ka mbërthyer vendin, zgjidhet vetëm përmes dialogut

Kështu ka deklaruar nga Pogradeci, Ministri i Bujqësisë, Zhvillimit Rural dhe Administrimit të Ujrave, Edmond Panariti.
Gjatë një takimi me strukturat e LSI, Ministri Panariti u bëri thirrje palëve që të gjejnë rrugën e dialogut për të dalë nga ky ngërç politik.

“Mendoj se palët do të ulen dhe do të gjejne dialogun. Pozicionet ultimative nuk e zgjidhin ngërçin dhe situatën politike ku ndodhemi. Një ngërç dhe situatë e tillë i kushton vendin dhe popullit. Zgjidhja është kompromisi dhe dialogu. Duhet gjetur një zgjidhje me anë të dialogut mes të gjitha forcave politike. Një zgjidhje ku askush nuk duhet të ndihet si triumfator. Kjo eshte zgjidhja", u shpreh ministri Panariti.

Në lidhje me të ashtuquajturën "marrëveshja politike e 1 prillit", insistimit të gazetarëve për vazhdimësinë e koalicionit, për deklaratat e ish-ministrit Saimir Tahiri se, LSI po i shkel syrin PD-së, Panariti theksoi: “Mendoj se duhet të pyesni me mirë njerëzit, fermerët që kanë ardhur për këtë takim, apo qytetarët e thjeshtë. Aty do gjeni përgjigjet reale. Qytetarët kane nevojë për paqe dhe kohezion social, për qetësi, stabilitet politik dhe mbështetjen tonë. Kjo është me e rëndesishmja për ata.” / Albeu.com/
Shtuar më 01/04/2017, ora 18:37

Shkruani komentin tuaj!
Të fundit nga kjo kategori