Pallati i bashkëshortes, PD i kërkon Ramës transparencë
Partia Demokratike ka kërkuar sërish sot nga kreu i PS-së Edi Rama të bëjë transparencën para publikut për ndërtimin e një pallati në pronësi të bashkëshortes së tij. Në një konferencë për shtyp, zëdhënësja e PD-së Silvi Bardhi ka shtruar disa pyetje që kanë të bëjnë me ngritjen e këtij pallati.


“Ne po i japim mundësi z.Rama të sqarojë publikun për pallatin 5 katësh dhe një kat nën tokë me rreth 900m katrorë sipërfaqe ndërtimi në rrugën “Qemal Guranjaku”, ndërtim i përfunduar në vitin 2010 pronë e familjes së bashkëshortes së z. Rama, Linda Basha. Partia Demokratike kërkon nga ju të sqaroni shqiptarët çështjet që vijojnë: Cili është historiku i vërtetë i këtij pallati? A keni qenë në konflikt interesi kur ju keni firmosur si kryetar bashkie lejen e ndërtimit të këtij pallati? Sa leje ndërtimi keni lëshuar për ndërtimin e këtij pallati? A janë respektuar kushtet ligjore urbanistike në sheshin e lejes së ndërtimit dhe ndërtimin e këtij pallati? Cilët janë investitorët dhe pronarët e këtij pallati? A ka histori paje në këtë pallat dhe në rast se po, sa është pjesa që ju dhe bashkshortja juaj keni marrë si pajë?” theksoi zëdhënësja e PD-së. /albeu.com/
Shtuar më 10/01/2013, ora 12:36

Shkruani komentin tuaj!
Të fundit nga kjo kategori