OSHEE kontrolle gjatë natës në Shkodër, 130 të ndaluar
Aktualisht në qytetin e Shkodrës janë ndaluar 130 persona për vjedhje energjie, ndërsa raportohet se policia prej një jave vijon aksionin gjatë natës. I cilësuar si një ndër qytetet më problematikë, policia po monitoron situatën nga afër gjatë natës, pasi familjarët dhe jo vetëm, e rilidhin energjinë. Shkodra është një nga qytetet me nivelin më të ulët të arkëtimeve të energjisë elektrike.

Prej një jave, OSHEE, me mbështetjen e policisë bën kontrolle gjatë natës, pranë abonentëve që tentojnë të rilidhin energjinë. Raportohet se elektricistët e OSHEE kontrollojnë çdo lidhje nëse është e ligjshme dhe në rastet kur konstatojnë shkelje, është policia ajo që shoqëron autorët e vjedhjes.

Ndërkaq, Drejtori i OSHEE në Shkodër, Gledis Çeliku, ka deklaruar se vetëm gjatë këtyre ditëve janë konstatuar 29 raste rilidhje të energjisë. Që nga fillimi i aksionit janë proceduar penalisht 130 persona dhe arkëtimet janë rritur me 30 %. Ndër të tjera mësohet se në Shkodër janë duke vepruar në terren katër grupe të OSHEE-së, katër grupe të shërbimeve të policisë së rendit dhe dy grupe hetimore. /albeu.com/
Shtuar më 27/01/2015, ora 13:41

Shkruani komentin tuaj!
Të fundit nga kjo kategori