OSBE për zgjedhjen e Altin Binajt: U hodh një hap i rëndësishëm
Prezenca e OSBE në Tiranë ka reaguar për zgjedhjen e Altin Binaj nga Kuvendi si anëtar të pestë të Gjykatës Kushtetuese.

Përmes një postimi në Twitter, OSBE shkruan se pas zgjedhjes së një gjyqtari tjetër nga Kuvendi, mbetemi në pritje të emërimeve pasuese, me qëllim që Gjykata të jetë në funksion të plotë.

Prezenca e OSBE-së me kënaqësi vëren se është hedhur një hap i rëndësishëm e i shumëpritur drejt një Gjykate Kushtetuese plotësisht funksionale.

Pas zgjedhjes së një gjyqtari tjetër nga Kuvendi, mbetemi në pritje të emërimeve pasuese, me qëllim që Gjykata të jetë në funksion të plotë si një institucion thelbësor për mbrojtjen e shtetit të së drejtës dhe të drejtave themelore të qytetarëve shqiptarë.

Përmes mbështetjes së përkushtuar, Prezenca është e gatshme të vazhdojë ta ndihmojë Gjykatën Kushtetuese për rritjen e efektivitetit dhe transparencës”, thuhet në reagimin e OSBE.
Shtuar më 18/12/2020, ora 11:01

Shkruani komentin tuaj!
Të fundit nga kjo kategori