OSBE-ODIHR bëhet gati për zgjedhjet e qershorit: Sjellim vëzhgues
Një muaj pas përfundimit te misionit te tyre ne Tirane, ekspertet e OSBE/ODHIR kane publikuar raportin paraprak me gjetjet dhe rekomandimet e mbledhura ne Shqipëri, për përgatitjen e zgjedhjeve te 30 qershorit.

Ne raport, evidentohet situata e tensionuar politike në vend, ku opozita tashme është jashtë parlamentit dhe ështe në pikëpyetje pjesëmarrja e saj ne zgjedhjet lokale.

Zgjedhjet vendore të 30 qershorit do të zhvillohen në një kontekst të karakterizuar nga një vendim i pashembullt i partitë e opozitës që kane vendosur të heqin dorë nga mandatet e tyre në Parlament. Më tej, opozita organizoi një seri protestash që kërkojnë dorëheqjen e qeverisë dhe thirrjen për zgjedhje të parakohshme parlamentare. Qeveria i hodhi poshtë këto kërkesa. Përplasja politike në vend, ka pezulluar reforma të rëndësishme, duke përfshirë edhe atë në fushën zgjedhore. Shumë nga bashkëbiseduesit shprehën shqetësimet që ka mosbesimi i përhapur mes partive politike dhe politizimi i vazhdueshëm i institucioneve që kontribuojnë negativisht në mungesën e besimit të vazhdueshëm në procesin zgjedhor.

Raporti vëren edhe bllokimin nga opozita të Komisionit të Reformës Zgjedhore.

Por pavarësisht gjetjeve dhe problemeve te skenës politike ne vend, OSBE/ ODIHR ka vendosur te sjell ne Shqipëri nje trup vëzhguesish, te cilet do te ndjekin nga afer fushatën elektorale dhe ditën e zgjedhjeve.

Te komandojmë vendosjen e një Misioni Vëzhgimit të Zgjedhjeve për zgjedhjet lokale të 30 qershorit, në varësi të disponueshmërisë së burimeve. Përveç një ekipi bazë të ekspertëve, ODIHR do të kërkojë nga shtetet pjesëmarrëse të OSBE-së 22 vëzhgues afatgjatë për të ndjekur procesin zgjedhor në të gjithë vendin, si dhe 250 vëzhgues afatshkurtër për të vëzhguar procedurat e ditës së zgjedhjeve, përfshirë votimin, numërimin e vota dhe publikimin e rezultateve.

Gjate qëndrimit te tyre ne Tirane, ekspertet e OSBE/ODIHR u takuan me parti politike, përfaqësues te shoqërisë civile, përfaqësues te mediave dhe te te gjithë institucioneve qe kane lidhje me procesin zgjedhor.
Shtuar më 18/04/2019, ora 13:14
Shkruani komentin tuaj!
Të fundit nga kjo kategori