Orhan Rexhepi: Lugina e Presheves te behet pjese e Kosoves
Albeu.com
Orhan Rexhepi, njëri nga komandantët e ish-Ushtrisë Çlirimtare të Preshevës, Medvegjës dhe Bujanocit (UÇPMB) i tha agjencisë informative serbe “JUGpress”, se kuvendit të këshilltarëve shqiptarë të Preshevës, Medvegjës dhe Bujanocit do t’i propozojë ...... për të ndërprerë kontaktet me Beogradin dhe për t’u kthyer plotësisht në drejtim të Prishtinës. Rexhepi, që është gjithashtu kreu i Lëvizjes Kombëtare Shqiptare, e cila ka dy këshilltarë në Kuvendin komunal të Preshevës, angazhohet që kjo pjesë e Serbisë jugore, ku jetojnë shqiptarët, të bëhet pjesë e Kosovës. Ai thotë se për shkak të qëllimit që "Lugina e Preshevës të bëhet pjesë e Kosovës, përkatësisht Shqipërisë” edhe kapi armët në dorë. "Me këtë do të korrigjohet një padrejtësi e madhe historike, sepse ky territor ka qenë gjithmonë iliro-shqiptar. Fundi i fundit Presheva deri në vitin 1956 ka qenë pjesë administrative e Kosovës dhe atë vit, së bashku me Komunën e Bujanocit, zëvendësohet me Leposaviqin dhe Zubin Potokun", tha Rexhepi dhe shtoi se arsyet e tjera që ky territor të bashkohet me Kosovën janë edhe abuzimet, dëbimet, vrasjet dhe kohëve të fundit gjithnjë e më tepër burgosjet e të rinjve nëpër burgjet serbe, në veçanti rasti i nëntë djemve të Preshevës, kundër të cilëve po zhvillohet gjyq në Beograd, pa asnjë argument të vetëm.
Sipas tij, në Serbinë jugore ka parakushte për incidente dhe konflikte të armatosura, si pasojë e deklaratave "nxitëse" të politikanëve serbë për Kosovën. "Parakushtet për këtë ekzistojnë, por SHBA dhe BE besojnë, pasi edhe zyrtarisht thonë se Serbia së shpejti definitivisht do të kthehet në seriozitet të plotë. Ajo tashmë ka të fituar një vizë-regjim e së shpejti dhe më në fund drejtimi i vetëm i saj do të jetë Brukseli dhe do të jetë e detyruar të pranojë zgjidhjen e vetme të drejtë që Lugina e Preshevës të mos jetë më pjesë integrale e saj", tha në fund Rexhepi.
Shtuar më 13/02/2010, ora 23:42
Tage: arkiv
Shkruani komentin tuaj!
Të fundit nga kjo kategori