Pas akuzave të deputetëve socialiste mbi abuzime me fondet e rrugës Levan-Vlorë, ministri i Transporteve, Sokol Olldashi ka shpjeguar koston shtesë në aksin Levan-Vlorë.


Në vlerësimin e tij, projekti i bërë nga PS në kohën e qeverisjes së saj ka pasur një gabim matematik, pasi nuk parashikonte shtresën e stabilizantit. Sipas Olldashit shtresa për stabilizantin shkon 2 milion euro. Shtuar këtu si faktin që shtrati i Vjosës ka pësuar ndryshime, ashtu dhe shtesën në fond për mbrojtjen mjedisore.


“PS të kërkojë komision hetimor për ndryshimet dhe unë jam i gatshëm të raportoj për çdo detaj të aksit. Por theksoj se ky është investimi më i lirë në infrastrukturë, pasi 2.45 mln euro/km në rrugën Levan-Vlorë është kostoja më e lirë”. /albeu.com/