Nxehen gjakrat mes aleatëve të PS-së, Dervishaj: Dalim vetëm në zgjedhje, Idrizi i përgjigjet Manjanit
Pavarësisht ftesave publike të kryeministrit Rama ndaj LSI-së për një koalicion parazgjedhor, janë shtuar zërat për të dalë vetëm në zgjedhje nga kjo e fundit duke sulmuar hapur ndërkohë aleatin tjetër të PS-së, PDIU-në e Shpëtim Idrizit.

Në intervistën e mbrëmshme tek “Tonight Ilva Tare”, mnistri i Transporteve Sokol Dërvishaj tha se LSI është duke i shqyrtuar të gjitha mundësitë për garimin në zgjedhjet e ardhshme parlamentare.

Ndërkohë, disa ditë më parë PDIU ishte sulmuar nga ministri tjetër i LSI-së, Ylli Manjani i cili rikujtoi se vetë kreu i saj ishte një deputet i ardhur nga listat e PD-së.

Manjanit iu përgjigj vetë Idrizi gjatë emisionit të mbrëmshëm “Top Story” duke i rikujtuar se LSI kishte qeverisur katër vite në krah të demokratëve.
“Manjani ndoshta nuk e di që LSI-ja ka qenë nja katër vite në koalicion me PD-në dhe e ngatërron të majtën”, – tha Idrizi duke shtuar se çështjet e PDIU-së nuk janë as të majta dhe as të djathta”. /Albeu.com/

Shtuar më 17/01/2017, ora 10:39
Shkruani komentin tuaj!
Të fundit nga kjo kategori