Pas denoncimit të kreut të Partisë Demokratike, Lulzim Basha se numri i viktimave të raportuara nga autoritetet nuk ishte i vërtetë ka reaguar drejtori i mjekësisë ligjore, Bledi Xhemali.

Xhemali u shfaq i gatshëm të bashkëpunojë me Prokurorinë nëse kjo e fundit do të nisë hetimet, por ka sqaruar se morgu i Institutit të mjekësisë ligjore ka varësi të dyfishtë.

Ai ka treguar se morgu Institutit të mjekësisë ligjore varet nga QSUT dhe Ministria e Drejtësisë dhe të gjitha rastet e COVID-19 menaxhohen nga QSUT.

Xhemali: Morgu i Institutit të mjekësisë ligjore ka varësi të dyfishtë.

Nga QSUT dhe Ministria e Drejtësisë. Pra të gjithë rastet e COVID menaxhohen nga QSUT, nuk kanë lidhje fare me rastet mjekoligjore, që bëjmë ne si ekspertë mjekoligjorë.

Për këtë duhet t’i drejtoheni QSUT. Ne e bëjmë një sqarim të plotë, të vijë edhe Prokuroria të hetojë.